ஹோர்முஸ் நீரிணை வழியாகச் செல்லும் கப்பல்களுக்குக் கட்டணம் வசூலிப்பதற்கான சட்டத்தை இயற்றுவதற்கு ஈரானிய நாடாளுமன்றம் நடவடிக்கை எடுத்து வருவதாக வெளிநாட்டு ஊடகங்கள் செய்தி வெளியிட்டுள்ளன.
ஈரானிய நாடாளுமன்றத்தின் குடிமக்கள் விவகாரக் குழுவின் தலைவரை மேற்கோள் காட்டி வரும் அறிக்கைகளின்படி, அது தொடர்பான வரைவு மசோதா தயாரிக்கப்பட்டு, சட்டமன்றத்தின் சட்டத் துறையால் மிக விரைவில் இறுதி செய்யப்படும் என குறிப்பிடப்பட்டுள்ளது.
ஈரான் முன்வைத்துள்ள ஐந்து நிபந்தனைகள்
இந்தத் திட்டத்தின்படி, ஹோர்முஸ் நீரிணை வழியாகச் செல்லும் கப்பல்களின் பாதுகாப்பை உறுதி செய்ய ஈரான் கட்டணம் வசூலிக்க வேண்டும் என அந்த அதிகாரி கூறியதாக மேற்கோள் காட்டப்பட்டுள்ளது.
மற்ற போக்குவரத்து வழிகளைப் போலவே, ஒரு நாட்டின் வழியாகப் பொருட்கள் செல்லும்போதும் வரிகள் செலுத்தப்படுகின்றன.
ஹோர்முஸ் நீரிணை அத்தகைய ஒரு வழியாகும். நாங்கள் அதன் பாதுகாப்பை உறுதி செய்வதால், கப்பல்களும் எண்ணெய் டேங்கர்களும் அதற்காகக் கட்டணம் செலுத்துவது இயல்பானது என்றும் கூறியுள்ளார்.
தொடர்ந்து நடைபெற்று வரும் போரை முடிவுக்குக் கொண்டுவர ஈரான் முன்வைத்துள்ள ஐந்து நிபந்தனைகளில் ஒன்று, ஹோர்முஸ் நீரிணையின் மீது கட்டுப்பாட்டைச் செலுத்துவதற்கான அதன் உரிமையை சர்வதேச அளவில் அங்கீகரிப்பதாகும் என குறிப்பிடப்பட்டுள்ளது.