முன்பள்ளி ஆசிரியர்களுக்கு அரசாங்கத்தினால் வழங்கப்பட்டு வந்த 2500 ரூபா மாதாந்த கொடுப்பனவை 5000 ரூபாவாக அதிகரிக்க அரசாங்கம்; தீர்மானித்துள்ளதாக விவசாய மற்றும் பெருந்தோட்ட கைத்தொழில் அமைச்சர் மஹிந்த அமரவீர தெரிவித்தார்.
அகுனகொலபேலஸ்ஸ பிரதேசத்தில் நேற்று (09) முன்பள்ளி ஆசிரியர் அமைப்புக்களின் பிரதிநிதிகளுடன் அமைச்சர் கலந்துரையாடியபோதே அவர்; இதனைக் குறிப்பிட்டார்.
இது தொடர்பில் கடந்த வாரம் நடைபெற்ற அமைச்சரவை உபகுழுக் கூட்டத்தில் கலந்துரையாடப்பட்டதாக தெரிவித்த அமைச்சர், முன்பள்ளி ஆசிரியர்களின் 2500 ரூபா கொடுப்பனவை 5000 ரூபாவாக அதிகரிக்க ஜனாதிபதி ரணில் விக்கிரமசிங்க பணிப்புரை விடுத்துள்ளார் என்றும் தெரிவித்தார்.